පිට(ව) යන්ඩ අවසරයි.........

 මේ..... කඳළු බින්දුව මගෙ නොවෙයි.....

ඇත්තටම 'ආසනික්' පටං ගත්තෙ අපිව අන්දන අයගේ ඇන්දිල්ල පෙන්නන අයගේ ඇන්දිල්ල පෙන්නන්ඩ. ඉතිං අපේ ලක්ස හයහමාරක විතර පාඨකයන්ට අපි මෙච්චරකල් පෙංනුවේ ඕක තමයි. ඉතිං ඔය එකම හෙලුව බලලා තමුන්නාංසෙලාට ඇති වෙලා ඉද්දි තමා අර සෙල්ෆ්බ්ලොකිං ගොංපාට් පචයක් අතේ පත්තුවෙලා ඇන්දිලිරාලලට අකුලං යන්ඩ සිද්ද උනේ.
අනේ ඉතිං දැං මොනා පෙන්නන්ඩද? අපිත් යංඩ තමයි හදන්නේ.  ඊට කලිං අපි නික්මයාම ගැන හද පත්ලෙං අකම්පාල වෙන තමුන්නාන්සෙලාට පුලුපුලුවං විදිහට ඇවිත් මෙව්වා කොපි කරගෙන ලැමිනේට් කරල තියාගන්ඩ මාස තුනයි දවස් හතයි පැය දාහතරක කාලයක් දෙනවා.   ඊට පස්සෙ වහලම දාංඩ තමයි හිතාගෙන ඉන්නෙ. බොහොම විනීත විදියට. හැක්ස් රංගන දාලා තවත් පච වෙන්න අපිටත් වුවමනාවක් නැහැ. 
එහෙනං ඉතිං බුද්දිමත් ඔබේ සීතල කඳුළු බිදු උඩින් සංවේදී පා සටහන් තබා සුසුම් මාරුතයේ සැගව යන්නට දෙන්න අපට මදක් අවසර......

පොඩ්ඩක් හෝව්..........!

මේ සමුගන්නා මොහොතේ තවදුරටත් අපේ දයාබර බුද්දිමත් පාඨක ඔබ කොමෙන්ට් කොටවමින් වෙහෙසට පත් කරන්ඩ අපි අදහස් කරන්නේ නෑ. පහත රෙඩිමේඩ් කොමෙන්ට් වලිං එකක් කොපිපේස්ට් කරලා ඔබේ ලසෝ තැවුල් නිවාගන්ඩ....

1 yana eka nam etharam hoda deyak nemei.
2 අනේ යංඩ එපා
3 අපිට තමයි පාඩුව
4 දුර යන්ඩ යන්ඩ ඔබේ සුවඳ තවත් ලං උනා
5 Yanda epaaaaaaaaaa
6 ආසනික් කට්ටියට මගේ ආචාරය.
7 අලුත් ලිපි නොදැම්මත්, ප්‍රතිචාර දැක්වීම අක්‍රීය කරල බ්ලොග් එක දිගටම තිබුනොත් තමයි හොඳ…
8 හුරුල්ලා මාවරමණ්ඩියෙද?
9 මෙතෙක් කලක් රාලලාගේ නිරුවත් පෙන්නා අපව දැනුවත් කලාට ස්තූතිය.
10 ඔබට ජය… විප්ලවේ දාට හම්බවෙමු
11 අනේ ඕයි තමුසෙ ගියාම අපිට පාන්ද???
12 මේ තරම් කඳලු වැල්- කොහේ තිබුනදෝ.....
13 අල්ලාහ් හුඅක්බර්!!!!!!!!!!! හික් හික් හික්
14 ගියාට කමක්නෑ... තැන් තැන්වල නටලා අහුවෙන්ඩ එපා හරි?

නිවසේදීම අමෘතය සාදා ගන්න (දේව රසායන විද්‍යාව)

මෙය නලින්ද සිල්වා මහැඳුරුතුමා විසින් ස්වකීය ශ්‍රාවක පින්වතුන්ගේ විද්‍යා දැනුම වර්ධනය කිරීම සඳහා පසුගිය කාලයේදී කරන ලද දේශනයකි. ආසනික් ලෝලී ඔබ සැමගේද පහන් සංවේගය තකා එම දේශනයෙන් උපුටාගත් කොටසක් මෙහි පළ කෙරේ. මෙය නිවසේදී අත්හදා බැලීමෙන් වලකින්න.

"මේ මිහි මත පමණෙක් නොව, සදෙව් ලොව පුරාද පැතිර පවත්නා මහා දිව්‍ය ලෝකයේ විරාජමාන තිස්තුන් කෝටියක් දෙවි දේවතාවුන් වහන්සේලා විසින් ස්වකීය සුඛ විහරණය පතා පරිහරණය කෙරෙන රසායන විද්‍යාව 'දේව රසායන විද්‍යාව' නමින් හැඳින්වෙන්නේය. මෙය බටහිර ඇංකරයන්ගේ ඊනියා ටෙලස්කෝප් වලට ගෝචර නොවන මහත් ආශ්චර්යමත් දැනුම් පූංජයකි. එවන් මහාර්ඝ දැනුමක් මා පසුපස්සේ ගාටන බුද්ධි විහීන තොපට ගෝචර නොවන්නක් වුවද, තොපගේ ශංකා දුරුකරවනු වස් ඉන් එක් උදාහරණයක් පමණෙක් පහත දක්වමි.

මේ මිහිමත මතු නොව දිව්‍ය ලෝකයන්හිද වරින් වර මහත් නියඟ හටගන්නේය. එයින් අමෘතය ලබාදෙන ළිං සිඳී ගොස් දේව ගණයා මහත් පිපාසයෙන් පීඩාවට පත්වන කල්හී උහු තම දේව රසායන විද්‍යාවට අනුනුකූලව අමෘතය නිපදවාගන්නේ කෙසේද යත්,

පළමුකොටම ඇවැසි වන්නේ සුක්රෝස් නමැති දුලබ රසායනිකයයි. මෙය සොයා සදෙව්ලොව පීරා යන දිව්‍ය පුත්‍රයෝ සුක්රෝසයන් ගන්ධයෙන් හඳුනා ගැනීමට පවා සමර්ථයෝ වන්නාහ. උහු තාල වර්ගාදී වෘක්ෂ රාජයන්ගේ ප්ලෝයම තරලයන් සහ විවිධ ශර්කරාදීන් යනාදී සුක්රෝස් සංයෝගයන් ඒකරාශී කරන්නේ, නන්දන උයන් තෙර අශෝක වදුළු මධ්‍යයෙහි විල්ලුද පළස් මත නගාලූ ස්වර්ණාලේපිත බුජම් පුරවති.

අනතුරුව වාතයේ පවත්නා ඔක්සිජන් සහ හයිඩ්‍රජන් නමැති ඊනියා පරමාණු අල්වා එකට ගටා ජලය නිමවන්නේය. එකී ඊනියා ජලය යටකී සුක්රෝසයන් මත මනාසේ වගුරුවන්නේ, රන් බුජම් තුළ සුක්රෝසයන් ඊනියා සුක්රෝස් තරළයක් බවට පත්වන්නේය. අනතුරුව ඇවැසිවන්නේ සැකරොමයිසීසයන් නමැති අරුපාවචර යීස්ට ජීවීන් විශේෂයකි. ගිජ්ජකූට පර්වත මස්තකයේ රත් හිරිගල්තලාවන්හි පන්දු කෙළිමින් සිටිනා මෙම පින්වත් යීස්ට සමූහයෝ  දේවතාරාධනයෙන් එසැණ පහළවන්නේ, යටකී සුක්රෝස තරළයන් තුළ වදිති. අනතුරුව දිව්‍ය පුත්‍රයන් විසින් මහාර්ඝ කැටයමින් යුතු වසුනින් අවුරන එකී බුජම් තුළ වන් පින්වත් යීස්ටයෝ, එකී තරළයෙහි නිමග්න විෂම පරමාණුවෝ අල්වා රන් හුයෙන් බැඳ අමෘත සංයෝගාදිය නිපදවන්නෝය.

මෙකී අමෘත රසායනිකය බල ගැන්වෙනු වස් ආත්ම සාරය නමැති ශක්ති බන්ධන ඇවැසි බැව් දත යුතුය. මෙපවත් දන්නා දෙව්ලෝ ගර්භාන්තරයේ වසන මූසික, මෂ්ඨක, උරගාදී පින්වත් සත්වයෝ දෙවියන් කෙරෙහි වන මහත් සැදැහැයෙන් යුතුව බුජමට බසින්නේ, සිය ආත්ම සාරය අමෘත සංයෝග හා මුසු කරන්නේය.

මෙලෙස එකුන් සැට පැය ඉක්මවන කල්හී බුජම සොඳින් පැසී රන්වන් කිරණ විහිදුවන්නට වන්නේය. එපවත් දක්නා දේව පුත්‍රයෝ එකී බුජම මහත් සැදැහැයෙන් රත් හිරියල් ත්‍රිත්වයක් මත නගා සිටුවා රත් සඳුන්, සුදු සඳුන් ඈ මහාර්ඝ දැව රැස්කොට තබා සිය චිත්ත ශක්තියෙන් ගිනි අවුළුවන්නෝය. අනතුරුව ගින්නෙන් පැලැහී යන රන් බුජම තුළින් පැන නගින  නෙක ප්‍රමාණ බුබුළු පැලී මුක්ත වන්නාවූ අමෘත වාෂ්පය, තඹ පරමාණූ රැස්කොට තළා නිමවන ලද සියුම් නාලමය සර්පිලයක් තුලට වන්නේ, ඝණීඝවනයට පත්වැ අනෙක් කෙළවරෙන් බි‍ඳෙන් බිඳ වැගිරෙන්නට වන්නේය.

මෙසේ  සර්පිලයෙන් වැගිරෙන සාන්ද්‍ර අමෘතය ඉතා සැර බැව් දත යුතුය. මෙය ජලය එකට සතරක් වන පරිදි මැනැවින් තනුක කල යුත්තේය. මෙසේ තනුක කල අමෘතය රන් ඔඩම් තුළ බහා බි‍ඳෙන් බිඳ පානය කරන කල්හී අමුතුම ජීවයකින් දේව ශරීරයන් උද්දීපනය වන්නේය. අමෘතයෙන් සංතර්පණයට පත්වන්නාවූ දේව සමූහයා ඉමහත් චිත්ත ප්‍රීතියෙන් කෙළි කවට කෙළින්නේ සදෙව් ලොවම එකම  උත්සවශ්‍රීයකින් ඇළලී යන්නේය. මෙවන් තේජස් සහිත අමෘතය පවා නිපදවීමට සුරුකම් දක්වන දේව රසායන විද්‍යාවට පාංශු බිඳක වන් ආසනික් සුඟක් සෙවීම මහත් වූ කජ්ජක් වේද? "

පෙරමුණේ රාලලාගේ අභයදාන චූන් එක

පෙරමුණේ රාලට ලඟකදී පට්ට චූං එකක් ගොස් ඇත. ඒ සිංහල අවයාජ දේසප්‍රේමීන්ට මෙතෙක්කල් ඇනෙමිං තිබූ කටු කොහිල ගාලක් ක්ලියර් වීම නිසාය. කොහිල ගාල මර්විංය. මූ කරපු තරමක් කොලේ පට්ට පජාත කුප්පීදු වැඩය. උගෙ චරිතෙත් එහෙමය. බිස්නසුත් එහෙමය. උගෙ වටේ ඉන්න උං ඌටත් හපංය. ලොකුම හෙනේ මූ ආන්ඩුවේ ලොකු කකුලකි. හුරුල්ලා දන්න විදිහට නං 'අපිට රෙද්දක් ඇඳං පාරෙ යන්ඩ මූව එලෝලා දාන සේක්වා රජාණෙනි' කියල මුං ටෙලිග්‍රෑං බර තොගයක් රජ වාසලටද යවා ඇත. ඒත් මුගෙ මයිල් ගහක්වත් හෙල්ලෙන්නේද නැත. කුඩු හිංදා බොන්ඩත් බැරිය. ආන්ඩුව හිංදා අහක දාන්ඩත් බැරිය.

ඔයිං මෙයිං බිලිපූජා සීසන් එකත් ආවේය. ඒකත් හෙන ගේමකි. මේ බිලිපූජා තියන්නේ නලලේ අළු ගාගත් පෙරමුණේරාලලාම සෙට් එකකි. විරුද්ද වෙන්නෙ අළු නැති රාලලාය. හුරුල්ලා නං හිතන්නේ රාළලා කාලිට බය නැත්තේ නාථ ඉන්න හිංදා කියලාය. මෙදාපාර මේ කාළියි නාථයි කේස් එකට අලුතෙං එන්ටර් වෙන්නේ දෙවොල් දෙවියා හෙවත් මර්විංය.

"සතුන්ව මරා දැමීමට තව තිබුනේ පැයක් වැනි කාලයකි. හදිසියේ එතනට අමුත්තෙක් පැමිණියේය, සත්ව ඝාතනය තාවකාලිකව නැවැත්වීමට ඉල්ලූ SSP වරයාට පවා සද්ද බද්ද දැමූ මුන්නේෂ්වරම් පූසාරියාට, එම අමුත්තා දු‍ටු විට සුළු දිය පහ නොවුනේ යන්තමිනි.

ඇමතිතුමා පැමිණ ” සත්තු කපන එක නවත්වන්න මම ආවෙ. අද සත්තු කපන්නෙ නෑ ” ආදී ලෙස කියද්දී පූසාරියාගේ දිව ගොත ගැසුනා මිස වචනයක් වත් පිට වුනේ නැත. එතනින්ම අසරණ සතුන් දහස් ගණනකගේ දිවි ‍රැකුනි"
මනහර වැනුමක් මැ නොවේද?

පෙරමුණේ රාල ගුබ්බෑයමට "මර්වින් සිල්වාගේ අභය දානය සහ ඊනියා මානුෂිකවාදීන්™ ගේ කුහකත්වය" නමැති කොමඩිය ලියන මර්තේලිස්  නමැති බුද්දිමතා මේකෙං කොච්චර චූං වෙලාද කිව්වොත් එයාට අනුව මේක උත්කෘස්ට "අභයදානයකි". අනේ ෂෝක්ය. දැං ඉතිං මර්විං දෙයියා දැවැංත එළු කුකුල් සරණාගත කඳවුරක් සාදා මේ සත්තු මැරෙනකං ආදරෙං කවාපොවා රැකබලා ගන්නවා ඇතිය. මේ පේන්නේ දේසප්‍රෙමී ලපටි මොලගෙඩිවල සයිස් එකයි.

වනචාරී ගෝත්‍රික ඇදහිල්ලක් වෙනුවෙං සත්තු මරන එක අසික්කිත වැඩකි. මිනිස්සු මරන එක ඊටත් වඩා අසික්කිත බව මුං නොදනී. 'මේ සිංහල අපගෙ රටයි' සහ 'උතුරු නැගෙනහිර දෙමල නිජ භූමියයි'  කියන ගෝත්‍රික ඇදහිලි වෙනුවෙං  රට පුරාමත් ජයටම පැවැත්වූ සිංහල දෙමල මුස්ලිම් බිලිපූජාව කෙල හලමිං වැලඳු මේ උගත් මහත්තුරු එලුවං සහ කුකලං වෙනුවෙං ගෑනි මලා වගේ විස්සෝප වෙයි. මුංට හරියන්නේම මර්විං වගේ එවුං මිසක් වෙන මොක්කුද?

මේ වීරයෝ රොත්ත "කට කැපුවත් කියන්න තියෙන දේ නොබියව කියන, ඡන්ද වෙනුවෙන් නොව තමන්ගේ හෘද සාක්ෂිය වෙනුවෙන් ඕනෑම අභියෝගයකට මුහුණ දෙන....." කියලා මර්විං දෙයියා උස්සලා පෙන්නනකොට අපිට පේන්නෙ අමු හෙලුවැල්ලක්නෙ මර්තේලිස්. බිලිපූජා තහනං කොරල නීතියක් තියෙනවනං ඒක ක්‍රියාත්මක කොරන්ඩ පොලිසියක් තියෙනවනේ. හලාවතිං ඒක කොරන්නැත්තං පොලිස්පති ඉන්නවනේ. එයාටත් බැරිනං තව උඩට ගිහිං මහ රජතුමා වෙනකංම ඉන්නවනේ. ඒ කියන්නෙ මේක නීතියට පිටිං කුකුලෙක් කපන එක වත් නවත්තගන්ඩ බැරි හාල්පාරු ආන්ඩුවක් නෙමේද? ඒකටත් මදාවියෙක් ඕනෙ.

කොහොමිං කොහොමිං හරි ආන්ඩුව කියන පල්වලේ සරුවට හැදිල තිබුන මර්විං කියන කටු කොහිල ගාල එක රැයිං සුද්ද කොරගත්තු එකට නං රාලට බඩඑලිය ගියා වගේ සනීපයක් දැනෙනවා ඇති. තුට්ටු දෙකේ මදාවියංගෙ ගොංපාට් ඇක්ටිං වලට මෙහෙමත් චූං එකක්...?

"මර්වින් යනු බොහෝ උදවිය හරියට හඳුනාගත් චරිතයක් නොවේ. මැරයෙක් ලෙස පෙන්වමින් ඔහු කරන්නේ පොලීසියට පවා ලෙහෙසියෙන් පාලනය කළ නොහැකි දාමරිකයින්ව (ලොව දක්ෂතම ත්‍රස්ත විමර්ශන ජාලයක් තිබෙන ඇමරිකා එක්සත් ජනපදයේ ලොව බිහිසුනුම පාතාලයක් තිබේනම් ලංකාව ගැන කුමන කතාද?) පාලනය කිරීමට සුදුසු ප්‍රතිරූපය ගොඩ නගා ගැනීමේ රඟපෑමක් බව දන්නෝ දනිති. කෘතිමව ගොඩ නගා ගත් මැර ප්‍රතිරූපය නොතිබෙන්නට පූසාරීන්ගේ මන්න පහරවල් වලින් මර්වින් සහ ඔහුගේ ආරක්ෂකයින්ව එදා මුන්නේෂ්වරම් දේවාලය ඉදිරිපිටදී කීතු කීතු වනු ඇත."

එක එකාගෙ ගොං ආතල් අපිට වැඩක් නැත. ඒත් දුක හිතෙන එක දෙයක් ඇත.
අනේ තොපේ ජාතික බලවේගෙට කුඩුකාරයො/බඩුකාරයො/මදාවියො/ඩොලර් පෙරේතයො/ලිංගික පර පීඩකයො/අවස්ථාවාදී හිස් ලවුඩුස්පීකර ඇරුනහම හරයක් තියෙන එක වීරයෙක් හොයාගන්ඩ බැරි හැටි අම්මපා..?

ඊළඟ බිලිපුජාව නවත්තන්ඩ සිල්වා මහත්තයා යවමු. එතකොට ග්‍රවුන්ඩ් ක්ලියර්...........

රනිල්ගේ කුනුහබ්බ

ඉස්තූතිය පලකිරීමයි.....
ලාංකීය මාදය කලාවේ නව පෙරලියක් කරමින්ද,
මාදය වාරනය අලුයම ලූ කෙල තැබ්බක් සේ ඉවත දාමින්ද,
වෙනදා ගෝටාබය/බැසිල් කියන වචන වෙනුවට දාපු ටී.......ක් ටෝන් එකත් නොදාමින්ද,
පොඩි එවුං කාමර වලට එලවලත් දාමින්ද,
රනිල් වික්රමසිංහ කියාපු   "වේස ගෑනි" කියන අමු තිත්ත  කුනුහබ්බය සිත් සේ අසාගන්නට අවස්තාව ලබාදුන් 
"සිරසේ" වේසිගෙ පුතාලට හුරුල්ලාගේ ඉස්තූතිය පිරිනැමේ.

ගංගොඩවිල සෝම දෙවියන් නෙරපයි......... දේව සභාවේ උණුසුම් වාතාවරණයක්......

ඊයේ රැස්වූ ලංකා දේව සභාවේ උනුසුම්කාරී වාතාවරණයක් උද්ගත වූ බව හුරුල්ලාට වාර්තා වේ. ඊයේ පැවැත්වූ මෙම දේවසභා විශේෂ සැසිවාරයට මැතිවරණ රාජකාරි හේතුවෙන් දෙවියන් සැලකියයුතු දෙවියන් පිරිසක් සහභාගි නොවීමද කැපී පෙනෙන සිදුවීමකි.

මෙහිදී පළමුවෙන්ම සාකච්ඡාවට ගෙන ඇත්තේ ශ්‍රී ලංකාවට මේ දිනවල තදින් බලපා ඇති ආසනික් පිළිබඳ ප්‍රශ්නයයි. මේ සම්බන්ධයෙන් නාථ දෙවියන්ට විශාල වශයෙන් චෝදනා එල්ලවීම පිළිබඳව කාගේත් වැඩි අවධානයක් එල්ල විය. මෙහිදී නාථ දෙවියන් ප්‍රකාශ කොට ඇත්තේ කල් ඉකුත්වූ රසායනාගාර උපකරණ වලින් පර්යේෂණ කිරීමට සිදුවීම පිළිබඳ වගකීම තමාට භාරගත නොහැකි බවයි. මෙහිදී දැඩිමුණ්ඩ දෙවියන් කෝපයෙන් ප්‍රකාශ කොට ඇත්තේ බැරි මගුල් නොකර නිකං උන්නනං ඉවරනේ යනුවෙනි. මෙහිදී ඇතිවීමට ගිය ගැටුම්කාරී තත්වය කථානායක අයියනායක දෙවියන්ගේ මැදිහත්වීමෙන් වැලකී ඇත.

කෙසේවෙතත් ආසනික් ජරමරයෙන් දේව සභාවේ ජාම් බේරාගැනීම සඳහා විශේෂ දේව කමිටුවක් පත්කිරීමට ගලේ බණ්ඩාර දෙවියන් විසින් ගෙන ආ යෝජනාවට කාගේත් අනුමැතිය හිමිවිය. මෙහිදී කතා කල දෙවොල් දෙවියන් ප්‍රකාශ කොට ඇත්තේ එම කමිටුවට තමාව නම් නොකරන ලෙසයි. මන්ද යත් අති බිහිසුනු 13 කල්ලියක් පවුල් පිටින් කම්බස්කිරීමේ විශේෂ කොන්ත්‍රාත්වක් ජාතික හෙල උරුමය නමැති පින්වත් සංවිධානයක් තමාට භාරදී ඇති හෙයින් ඔය සුකුරුත්තං වැඩ වලට තමාට වෙලාවක් නැති බවයි.

මෙහිදී කතාකල නාථ දෙවියන් ඔය 13 දෙනාගෙන් එක්කෙනෙකු තමන් නැති වෙලාවක තමාගේ කැළණිය බ්‍රාන්ච් එකට වාර්තා කර ඇති බවක් ආරංචි හෙයින් ඒ පිළිබඳව සලකා බලන ලෙසයි. මෙහිදී දෙවොල් දෙවියන් කෝපයෙන් ප්‍රකාශ කොට ඇත්තේ ඒවා තමාට බලාගත හැකි බවත්, කොහොමටත් විමලෙගේ සී නිව්ස් එකේ බට්ටි කැළණිය බ්‍රාන්ච් එක පැත්තේ කැරකෙනවා වැඩි බවත්ය. අනතුරුව නාථ දෙවියන් සාළුවේ කොනක් හපමින් මොනවාදෝ කියා ඇති මුත් එය කාටවත් ඇසී නැත.

ඉන් අනතුරුව කථානායක දෙවියන් විසින් සභාව හමුවේ විශේෂ කරුණක් ඉදිරිපත් කරන ලදී. එනම් ගංගොඩවිල සෝම නම් දිව්‍ය පුත්‍රයෙකු දේව සභාවේ සාමාජිකත්වය ඉල්ලා ඇති බවත්, එම ඉල්ලීම සභාවේ  බහුතර ඡන්දයෙන් සම්මත විය යුතු බවත්ය. මෙහිදී සභාවේ යම් ඝෝෂාකාරී තත්වයක් උද්ගතවූ අතර දෙවොල් දෙවියන් විසින් එම දේව පුත්‍රයා පිළිබඳ දීර්ඝ කරුණූ දැක්වීමක්ද එහිදී සිදු කොට ඇත.

උන්වහන්සේගේ ප්‍රකාශය දළ වශයෙන් මෙසේය.
"ඔය සෝම කියන හාදයා ගැන අපි හොඳට දන්නවනේ..... එයා නරයෙක් කාලෙ සිවුරු දරාගෙන හිටියා. එහෙම ඉඳං මොකද කලේ? පුළුවන් තරං දෙවියන්ට බැන්නා. අපිව අදහන  අය මිත්‍යා දෘෂ්ඨිකයෝ කිව්වා. ඒ අය සැබෑ බුදුදහමට පිටුපානවා කිව්වා. ඒ කාලේ අපිට පළතුරු වට්ටි තියා ආසාවට පේර ගැටයක්වත් නෑ...... ඔය දැන් අපිව අදහන නලින්ලා..... රතන සාදුලා සේරම එයාගෙ මිත්‍යාදෘෂ්ඨියට හරෝගෙන තිබුණේ....... එයා තව ටික කාලයක් උන්නනං අපිටත් ඉන්දියාවේ දේව රැකවරණ ඉල්ලන්ඩ වෙන්නේ.....

යන්තං රුසියාවට පින්සිද්ද වෙන්ඩ තමා ඔය කරදරේ ක්ලෝස් උනේ. නැත්තං රතනලා පාර්ලිමේන්තු යනවත් බොරු........ ඊට පස්සෙ තමා රතනලා නලින්ලා ආපහු සම්මා දෘෂ්ඨිය වැළඳගෙන අපිට පොලයක් දෙකක් ගහගෙන කොන්තරත්තුවක් දෙකක් දෙන්ඩ පටං ගත්තේ.... මං යෝජනා කරනවා ඔය හාදයව පැත්තකට දාල අර රතන සාදුයි නලින් ගොයියයි අපේ දේව සබාවට බන්දගමු කියලා.........."

එම යෝජනාව ඒකච්ඡන්දයෙන් සභා සම්මත විය.

හදිස්සියක්..... ගම්මිරිස් ඇට 13 ක් ගෙනිහින් රතන සාදුට දෙන්ඩ......

 

ඔබත් රට ජාතිය ගැන අම්බානක උන විකාරයෙන් පෙලෙන්නේද? මෙන්න එහෙනම් අවස්තාව. කුරිරු ආසනික් මාරයා මෙරටට කැන්දං එන රුදුරු ත්‍රස්තවාදී ම්ලේච්ඡ අති බිහිසුණු 13 කල්ලිය වැනසීමට දැං ඔබටත් එක්විය හැකියි. අවි ආයුද එපා. කුලු පොලුත් එපා. ගල් මුලුත් එපා. චූටිම චූටි ගම්මිරිස් ඇට 13 ක් හොඳටම ඇති. පුලුවන්නං පොල් ගෙඩියක් නැතත් බෑවක්වත් අරං එන්ඩ. 

කෙලිංම සීනිගමට එන්ඩ. රතන සාදු එතන ඇත.

ඇවිල්ලා කරන්ඩ තියෙන්නේ සුලුම සුලු දෙයයි. ඇට දහතුන කෙලිංම රතන සාදුට දෙන්ඩ. අර බෑව රතන සාදුට පේන නොපෙනෙන තැනකිං තියන්ඩ. 

ඊට පස්සෙ වැඳගන්ඩ.

දැං එක හිතිං මෙහෙම හිතාගන්ඩ.
 

කේසා... ලෝමා.... නඛා... දන්තා....

කුඩු වගේද ආසනික් - දිමු වගේද චම්පික

ඉඩම් වගේද ඩොලර් - හෙජිං වගේද කොමිස්

ගල වගේද වරාය - මිහින් වගේද ලංකා

-

-

මේ සජ්ජායනාවෙං පස්සෙ තමංගෙ දෙකංසෙ රත්වෙලා වගේ දැනෙන්ඩ පුලුවං..... ඒක තමා ආනුබාවෙ.... දැං තියෙන්නෙ රතන සාදුගෙ ඇඹරිල්ල. රතන සාදු ඔයාගෙ ඇට 13 අඹරනකොට අර කුරිරු 13 කල්ලිය ගැන සිහිපත් කොරගන්ට.

ජනිතා ගැන වැඩියෙං හිතංඩ...... හඩ්ඩා ගැන අඩුවෙං හිතන්ඩ.....

අනුර ගැන වැඩියෙං හිතන්ඩ...... වික්ටර් ගැන අඩුවෙං හිතන්ට......

ඔහොම අනුලෝමව ප්‍රතිලෝමව 108 වාරයක් හිතන අතරේ උංගේ පවුල් පිටිං හැඳිගෑවිලා යන්ඩ සත්‍යක්ක්‍රියා කොට රතන සාදු ඔබ වෙනුවෙං අඹරනු ඇත.

අති බිහිසුණු 13 කල්ලිය පවුල් පිටිං වැනසේවා. තෙරුවං සරණයි!

නම් වෙනස් කිරීමයි.......

'මොහොමඩ්ගේ පලා මල්ලේ' නම 'ආසනික්' යනුවෙන් වෙනස් කිරීමට තීරණය කොට ඇත.
එයට හේතුව වන්නේ මෙරට නව විංසතියක ඇරඹුම සිදුවූ ආසනික් සිදුවීම සදානුස්මරණීය වනු පිණිසය.


වත්මන් සිංහල ජාතියේ පියා වන නලින් ද සිල්වා ඇඳුරුතුමා විසින් අරඹන ලද ජාතික චින්තන මතවාදය විසින් මේ රට මෙහෙයවූ යුගය, එතුමා එක රැයින් දේශද්‍රෝහියෙක් වීමත් සමඟ පසුගියදා නිමා වන ලදී.මේ වන විටත් අවතැන්ව සිටින එතුමාගේ ගෝලබාලයින් චැනල් ෆෝ හි එල්ලී දිවි යන්තමින් දිවි රැකගනිමින් සිටියත් ඒ කෙතරම් කාලයකටදැයි කිව නොහැක.


එබැවින් රාජිත සේනාරත්න විසින් සොයාදීමට නියමිත නව ජාතියේ පියෙකු සමඟ ශ්‍රී ලංකා මාතාව නව දීගෙක යාමට නියමිත මේ මොහොතේ, යුගයේ කාර්භාරය නිමකොට ජාතික මෙහෙවරෙන් සමුගන්නා නලින් ද සිල්වා පියාණන්ට උපහාර පිණිස මේ බ්ලොගය මින් මතු 'ආසනික්' යනුවෙන් හැඳින්වෙන බව සියළු ශ්‍රී ලාංකිකයන්ටත්, මෙම බ්ලොගය මෙතෙක් කල් පවත්වාගෙන ආ අගනා නම සපයා දුන් පෙරමුණේ රාල විද්වත් මණ්ඩලයටත් මෙයින් දන්වා සිටිමු.

දිනූ (කාර්මික) සාමය රැකගනිමු

විශ්වයම විස්මිත කරමින් දකුණු ආසියාවේ ප්‍රථම වරට අප වන්දනීය මාතෘභූමියට, අති උත්තරීතර කාර්මික සාමය උදාකරදුන් අතිගරු ජනාධිපතිතුමන් ඇතුළු ශ්‍රී.ල.නි.ප මධ්‍යම කාරක සභාවට පළාමල්ලේ ප්‍රණාමය මෙයින් පුදකර සිටී.


මේ ආශ්චර්යමත් මොහොතේ එම සාමය අපවෙත උදාකරදීමේලා සිය ජීවිත පරිත්‍යාගයෙන් සටන් වැදි රණකාමී අභීත (පොලිස්) රණවිරුවන් විසින් සිදුකල උදාරතර සේවය සදා අමරණීය වේ. මෙම කාර්මික මානුෂීය මෙහෙයුමේදී සිත් පිත් නැති කුරිරු කාර්මික ත්‍රස්තවාදීන්ගේ අධම ගල් මුල් ප්‍රහාරයන්ට ලක්ව තුවාල ලැබූ සියළු (පොලිස්) රණවිරුවන්ට ඉක්මන් සුවය ලැබ, නැවත වරක් අප පූජනීය මව්බිමේ කාර්මික සාමය රැකීමේ උත්තරීතර මෙහෙයට එක්වීමට සියළු දෙවි දේවතාවුන්ගේ නොමඳ පිහිට ආරක්ෂාව ලැබේවා යි ද අප ඉත සිතින් පතමු.


කුරිරු කාර්මික ත්‍රස්තවාදීන්ගේ ග්‍රහණයට පත්ව සිටි දස දහස් සංඛ්‍යාත අහිංසක කාර්මික සිවිල් වැසියන්ගේ ජීවිත ආරක්ශා කර ගැනීමේ පරම චේතනාවෙන් යුතුව, මෙහෙයුමේ අවසන් අදියරේදී බර අවි භාවිතයෙන් තොරව පොලු මුගුරු සහ කළුගල් වැනි සැහැල්ලු ආයුධ භාවිත කොට අප රණවිරුවන් ලැබූ මේ විශිෂ්ට ජයග්‍රහණය ලෝකයේ සියළු හමුදාවන්ට ආදර්ශයක්ම වන්නේය.


සියළු ශ්‍රී ලාංකිකයිනි,
දිනූ (කාර්මික) සාමය රැකගෙන අප ඉදිරි පරම්පරාවන්ටද දායාද කිරීම මේ මොහොතේ අප ඉදිරිපිට ඇති අනුල්ලංඝනීය වගකීමයි. ඒ සඳහා ම.එ.පෙ/ජා.නි.පෙ/ජා.හෙ.උ/කො.ප/ම.එ.පෙ/ප්‍ර.එ.ජා.පෙ/...../.../.. වැනි සියළු භේදයන්ගෙන් තොරව ශ්‍රී.ල.නි.ප මධ්‍යම කාරක සභාව වටා එක්සිත්ව රොක්වන මෙන් ඔබ සැමට ආරාධනය කොට සිටිමු.

දිනූ (කාර්මික) සාමය රැකගනිමු.....!

මව්බිමට ජයවේවා.....!!

කෝ යකෝ කිරිබත්..........?

නොවරදින අනාවැකි සඳහා...... චතුස්කෝටිකාචාර්ය නලින් ගුරුන්නාන්සේ.......

පින්වත් දරුවනි,

පෙම්වතා, පෙම්වතී හැරගියාද?  ස්වාමිපුරුෂයා බීමත්කමට ඇබ්බැහිවීද?,  විවාහ දිවියේ ගැටුම්ද?  කුඹුරේ කීඩෑවෝද?  මූණේ කුරුළෑද?  ගෙදර පිළිමවලින් රැස් විහිදුනාද?  නේටෝ එකෙන් ලිබියාවට ගහනවාද?  බැන්කි මූනා වලි දානවද? බ්ලේක් කාරයා ගැන සැකයිද?

තවදුරටත් හිතින් විඳවන්න එපා. පුරාණ සිංහල ඍෂිවරුන් විසින් විසින් සොයාගත් ඉපැරණි චතුස්කෝටිකයෙන් ටක්කෙටම හරියන අනාවැකි......

මුදල් එපා..... හරිගිය පසු ලොක්කට ඡන්දයක් දෙකක් දුන්නාම හොඳටම ඇති..... තව සුළු කාලයක් පමණයි.... වැරදුනහොත් අනාවැකිය වෙනුවට අලුත් අනාවැකියක් නොමිලේ......

අදම එන්න....

ශ්‍රී චින්තන පරසද ජ්‍යෝතිෂ කාර්යාලය.

කැළණිය කුප්පායම.

------------------------------------------------------------------------------

හාල්පන්විල ගුණසේන.

ඇත්තටම මට තිබුණේ මහා බයානක ලෙඩක්. හැමතිස්සෙම ඔලුව නස්කුරුඥ්ඥං වෙලා..... නාහෙන් හොටු දියර ගලනවා...... හීනෙං අහස් ගුණ්ඩු පේනවා.... නිතරම කිරිබත් මතේ වගේ..... මං දිහා බලන හැම එකාම මාව කන්ඩ එනවා වගෙත් පේන්ඩ ගත්තා.....

දන්න කියන ගොඩවෙද්දු නං කිව්වෙ යුද්දෙ නැවතුනාට පස්සේ, ඒ තිබුන ඇඩ්වෙන්චරස් ආතල් එක නැතිවීම නිසා ඇතිවුන සාංකාව වගේ එකක් කියලා.... හැම තැනින්ම වෙදකං කරලා බැරිම තැන තමා නලින් ගුරුන්නාන්සේ හම්බඋනේ....... උන්නාන්සේ දෙවියෙක් වගේ පිහිට වෙලා මට අලුත්ම අනාවැකියක් කිව්වා.... තව මාස අටකින් නේටෝ එකෙන් ලංකාවට ගහනවාය..... ඒ යුද්දෙන් ලංකාව දිනනවාය කියලා..... ඒ ගහන්නෙ අපි ගාව බුද්දාගම තියෙන හින්දයි කියලත් කිව්වා.......

දැං ඉතිං දෙයියංගේ පිහිටෙං මට තිබුන ලෙඩ රෝග සේරම ඉවරයි..... ගෙයි උළුවස්සේ මයේ ගෑනි රටහුණු කෑල්ලකිං ලියලා තිබ්බ 'බාලගිරි දෝසෙ අද නෙමේ හෙටයි' කියන පල් වාක්කිය උඩිං 'මේ ගවුතම බුද්ද රාජ්ජයයි' කියන ඉස්ටිකර් එකක් අලෝගත්තා. 

ඒ කාලෙ අපි ටීවී එකේ වර්ග කිලෝමීටර් ගණං කොලා වගේ, මං මේ දවස්සොල නේටෝ කාරයෝ ඔය ඉස්ටිකර් එක ගලවන්ඩ ඇවිත් නන්දිකඩාල් වෙන දවස කවුන්ට්ඩවුන් කරනවා..... එදාට ඉතිං අපිට දෙයියනේ කියලා රතිඤ්ඤයක් දාල... කසිප්පු උගුරක් බීලා කිරිබත් කටක් කාගන්ඩ නලින් ගුරුන්නාන්සේට සියලු ඉෂ්ට දේවතාවුන්ගේ රැකවරණ ලැබේවා......!!!

දිනයක් වෙන්කරගෙන පැමිණෙන්න. පෝය දින ඇතුළුව මසකට දින 23 ක් වසා ඇත. පූජා භාණ්ඩ රජය විසින් සපයනු ලැබේ.

කළුගල පුපුරුවන්න හුරුල්ලාගෙන් දේසීය ක්‍රමයක්.....

අවුරුද්දත් ඇවිත් 'ගියේය'..... 
අලුත් අවුරුද්දේදී පරණ ප්‍රශ්න අමතක කිරීම අපේ  සිංහල-බවුද්ද අයගේ සිරිතක්ය. ඒක නිසා අපේ උදවිය මේ දවස්වල පරන ප්‍රස්න අමතක කොට පරන මූනා අලුතින් අල්ලාගෙන ඇත. අපේ සුබපැතුම්ය. 

ඒ අස්සේ ගල් ප්‍රස්නයක්ද ලාවට ඇදෙමින් පවතින බවක් ඇසේ.... ඒ ගල ඇත්තේ දකුණේ හම්බන්තොට වරායේලු... දහනායකගෙනුත් එහාට යන දකුණේ ගල් ඉතිහාසයේ මෙතෙක් මතුවූ ලොකුම ගල මේක විය යුතුය.... විපක්සයේ උන්දලාටනම් මේක මහමෙර පහල උනා වගේ ඇතිය. ඒත් විපක්සයේ අයට ගල් ලොකු වුනාට ජනාධිපතිතුමා නං ඔය ගල්කේස් එච්චර ගණං ගන්නේ නැත. එතුමා ඕවට දෙන්නේ සුට්ටං විසඳුමකි... ඒ කොණ්ඩෙ බැඳපු චීන්නු හත් අට දෙනෙක් දම්මලා ගල කොටවලා දම්මන එකය. වැඩේ අහවරක් උනාම කෝටි 480 ක විතර සොච්චමක් මිටමොලෝලා ඕකුන් පන්නලා දාපුවාම වැඩේ ක්ලෝස්ය.
 
ඒ උනාට කළු ගල් කෑල්ලක් කඩාගන්ඩත් ඔය රබං මූණු චීන්නු ඕනෑ වෙන එකට නං හුරුල්ලා කැමතිම නැත. FB ගෲප් එකකට පයිං ගැහුවාම නියම සිංහල-බවුද්ද දේසප්‍රේමීන් දුසිං දෙකතුනක් විසිවෙන මේ රටේ ඕක කඩා ගන්නට දේසීය ක්‍රමයක් හිත හිතා හිටි හුරුල්ලාට ලයිට් එක පත්තු උනේ  ආණ්ඩුවේ දක්ස බුද්දිමත් ගරු ඇමතිතුමෙක් ගල ගැන විවාදෙට වරායට එන්ඩ විපක්සෙට අබියෝග කල බව නිවුස් වලට කියද්දීය. ගරු ඇමතිතුමාගේ දේසීය තාක්සනය කාට ග්‍රීක් උනත් හුරුල්ලාට නම් එලකිරි ටිකට පැහැදිලිය. මේ ඒ තාක්සනය එකසිය තුන් වරක් වැඩි වර්දනය කොට හුරුල්ලා විසින් ඉදිරිපත් කරන දේසීය ක්‍රමයයි.
 
මේ වැඩේට යන්නේ සුමාන දෙකකි. නැව් එන්නෙත් නැති එකේ වවුල්ලු ලගින වරායේ බිල්ඩිං ටික මේ වැඩේට හොඳටම සෑහේ. මුලිංම කල යුත්තේ අයි.ටී.එන්. එක ගලෝගෙන ගිහිං ඔය බිල්ඩිමකට දමා ඇන්ටෙනාව දොඹකරේක ගැටගහලා දෙන එකය. අල්ලපු බිල්ඩිං එකට ජාතික එකේ කට්ටිය දැමිය යුතුය. බේරේගෙදර උන්දලා සේරම ගිහිං දැම්මොතින් හෙම හම්බන්තොට ඈයිංට බොන්ඩ කසිප්පු ඩිංගක්වත් ඉතුරු නොවෙන හෙයිං නෙලුං කුමාරයා විතරක් ගිහිං දැම්මත් ඇතිය. ඊළඟට කැබිනට් තීරණ දැනුම් දීමේ සහ ආණ්ඩුවේ අනිකුත් මාද්‍ය සාකච්ඡාද එක සුමාන දෙකකට වරායේ තැබීමට නිර්දේස කෙරේ. මේ සුමාන දෙක ඇතුලත ඩිල්කාගේ ප්‍රදානත්වයෙං ජනපති ජන හමුවක්ද අනිවාර්යෙංම මෙතනදීම පැවැත්විය යුතුය. ඊට අමතරේට ආන්ඩුවේ එල්ලී යන මැක්කා වර්ගයේ පක්ස වල මාද්‍ය හමු දවසට එක බැගින්වත් මෙහි තැබීම අනිවාර්යය. 

මල්වංස මැතිතුමාගේ මීළඟ අති සාර්තක මාරාන්තික උපවාසයද මෙතනදීම පවත්වාගන්නට ලැබුනොත් හෙම ගොඩේ ගොඩය. මේ සුමාන දෙකේ කැබිනට් මණ්ඩලේ හත්අට දෙනෙක්වත් සමග පොලිස්පති තුමාද අනිවාර්යෙං වරාය බූමියේ රැඳී සිටිය යුතුමය. එතුමන්ලාගේද සහබාගිත්වයෙං 'හම්බන්තොට අපේ ගම' වැඩසටහන සහ 'වරායේ ආස්චර්යමත් කලුගල' නමැති දොරමඬලාව සංවාදාත්මක හරසරණිය ජැටිය අද්දරම පැවැත්වීමට හැකිනම් වඩාත් ප්‍රතිපලදායකය. හසන්තගේ සහායට ජැක්සන් මහතාද යොදවන්නේ නම් මැනවි.
 
ප්‍රතිපල සහතිකය. කෝටි 480 ම ඉතුරුය. දේසීය තාක්සනයක් නිසා ආඩම්බරේද අපිටමය. සති දෙකක් ඇවෑමෙන් ඔය මහා කලුගල හත්කඩකට පැලේ. 
අත්දුටුවයි ..! සත්තයි...!!

ටැබූ හෙළි කිරීම (3) – අටුවාවේ ටැබූ කංකාරිය.

දැන් ටැබූගේ ජංගිය ගලවා ඇත. ටැබූ හෙළුවෙන්ම ගොස් නොදන්නා තැනක සැඟවී ඇත. මෙය අළුත් ප්‍රශ්නයකි.

ටැබූ ලියපු කාලයේ මේ ප්‍රශ්නය තිබුණේ නැත. ඌ ලිව්වේය. ඒවාට අකමැති උන් විවිධ නම් වලින් කමෙන්ටුවක් දෙකක් දමා ඌට අනින්නට ට්‍රයි එකක් දුන්නෝය. කෙළිය වුනේ බ්ලොග් එක ටැබූගෙ ය. අනින්ඩ හදපු උංට රිදෙන්නම දුන්නේය. සමහර කමෙන්ට් නොදමා උන්න බවටද සමහරු හොටු පෙරති. ඒ උගේ හැටිය. අනින්ඩ හදපු උං කට පුක වහගෙන තද කරගෙන පැත්තකට වී ඉස්ලාමයේ හැඩිත් ගැන සාරගර්භ අටුවාවන් සම්පාදනය කරමින් සිංහල ජාතිය ටැබූගෙන් රැකගත්හ.

කාලය ටැබූවා හිතුවාට වඩා ඉක්මන් විය. එකෙක්වත් හරියකට නොදන්නා මොකද්දෝ කෙළියකින් ටැබූ බ්ලොගයත් සමඟ අතුරුදන් විය. තැන් තැන් වල කමෙන්ට් කරන ලද ටැබූ නමැති එකෙකුට අනුව බ්ලොගය යම් දේශප්‍රේමීන් පිරිසක් 'හැක්' කර ඇත. ටැබූගෙන් රිදෙන්නම කාපු උන් කියන පරිදි ටැබූ විසින්ම බ්ලොගය මකාගෙන ඇත. මට අනුව නම් ඕන පුකකි. එහෙත් මොනවාහරි කියවන්න තිබුනු ඉඩක් අහෝසි විය.

අලුත්ම තත්වය මෙසේය. එකෙක් වත් දැක නැති ටැබූ නමැති අංගුලිමාලයා මෙච්චරකල් බ්ලොග් එකක ජීවත් විය. අඩුගානේ දවස් දෙක තුනකට පාරක් වත් ඌ බ්ලොග් එක අප්ඩේට් කරපු නිසා ඌ කොහේටහරි වී ලියන බව බුදු ෂුවර් විය. උගේ දේශපාලන කුණුහරුප වලට උත්තර දීගන්න එක ඇර වෙන ප්‍රශ්නයක් තිබුනේ නැත. එක පාරටම ඌ අතුරුදන් විය. අංගුලිමාලයා හිරෙන් පැන්නා වැනිය. දැන් ඌ නැත. ලියන්නේද නැත. තැන් තැන්වල දාපු කමෙන්ට් කෑලිත් නැත. වාෂ්ප උනා වගේය. දැන් ඉතිං බය හිතේ. අංගුලිමාලයා එළියේය.

දැං ඉතිං ගොං රාල ගැංසියට රෑට මුත්තරා කරන්ඩවත් එළියට බහින්ඩ බයය. කොයි වෙලේ හරි තමුංගේ සිග්නි ඇඟිල්ල වගේ එක ඌ කපාගෙන දුවන්නට පුළුවන. කෙහෙල් අත්තක් හෙළවුනත් ටැබුවාදැයි හිත ගැස්සේ.

මේකට ප්‍රතිකර්මයක් ලෙස කට්ටිය එක්ව මේ දිනවල ටැබූ කංකාරියක් කරති. දැන් ටැබුවෙක් අලුතින් මවා ඇත. ඌ ලියපු, දැනට ජාලය තුලවත් නැති පට්ට පරණ කුණුහරුප වලට අගනා විචාරයන් ලියවේ. මේ වගේ විකට රසාංගද ඒවාට ඇතුළත්ය.

ටැබුවා කුජීතම වූ බවට කට්ටිය එකතුවී සාධනය කර හමාරය. මෙය නම්කර ඇත්තේ ටැබුවාගේ ජංගිය ගැලවීම ලෙසයි. මේ වන විටත් නැති ටැබුවාගේ නැති ජංගිය ගලවා ඇත. දැන් ඇත්තේ එම හඩු ජංගිය කට්ටිය තර‍ඟෙට ඇඳ ගැනීමයි. මේ දවස්වල පෙරමුණේ රාලගේ අටුවාවේ පැවැත්වෙන්නේ ඒ දුක හිතෙන තරඟයයි.
මාර ෆන් මෙයා...!

-බකමූණා

වීර හැක්පෙටිපොල බලුකායේ නීල නිවේදනය......!

හතර වරං දෙයියංගේ ඇල්ම බැල්මෙං අපිට දැං තවත් අලුත් බලකායක් ලැබී ඇත්තෙමු. අලි මදිවට හරක්ය. දැං ඉතිං සිංහල ජාතියට මැරිච්චි කූඹියෙකුටවත් බය වෙන්ඩ කාරිනාවක් නැතය. මේ බලුකායේ ඇත්තෝ රට ජාතිය දේසද්‍රෝහී අලුකුත්තේරුවංගෙං බේරා මහ රජතුමාට දැකුම් පිණිස පිළිගන්නනවා ඇත්තෝය.

මේ ලියන්නේ විසේස කාරිනාවකටය. මෙම දීර වීර බලුකායේ නිල විද්යුත් මාද්දිය වන බියෝන්ඩ් ප්‍රේම් (කලින් දේසද්‍රෝහී අවජාතකයෙක් විසිං මෙහෙයවන ලද්දකි) අඩවියේ ඔවුං විසිං නමෝ විත්තියෙං පල කොරන ලද නීල නිවේදනයට මොකෙද්දෝ අවජාතිකයෙක් කෙලතොලු කමෙන්ටුවක් දමා තිබේ. මේ අසමජ්ජාතියා සොයා නීල නිවේදනයට අනුව කටයුතු කිරීමට  මහජන සහාය ඉල්ලා සිටීමට අපිදු කැමැත්තෙමිය. 

මේ තියෙන්නේ නීල නිවේදනයය.

සිංහල බ්ලොග් අවකාශයේ වීර කැප්පෙටිපොල බලකාය

මෙතෙක් සිදු වූ දෙයින් පාඩමක් ඉගෙන ගෙන නැති දේශ ද්‍රෝහී බ්ලොග්කරුනවි.

සිංහල බ්ලොග් අවකාශයේ සිංහල බෞද්ධ සංස්කෘතියට, සභ්‍යත්වයට හා අපේ ආවේණික හර පද්ධතියට එරෙහිව එන්. ජී. ඕ. වල ඩොලර්, පවුම් හා කෝනාර් වලට යටවී බ්ලොග් පඩංගු ලියන විජාතික පන්තිය නියෝජනය කරන දේශද්‍රෝහී බ්ලොග්කරිවන්ට තවත් ඉඩ දිය යුතු නැතැයි අප තීරණය කර ඇත.

මින්පසු කිසිම දේශදෝහී බ්ලොග්කරුවකුට අප ඉඩ දෙන්නේත් නැත. විශේශයෙන්ම නිර්නාමිකව ලියන ද්‍රෝහීන්ගේ නම් ගම් විස්තර සහිතව එලිදරව් කිරීමට අප බලාපොරොත්තු වන අතර එයින් ඔවුන්ට හා ඔවුන්ගේ පවුල් වල අයට සිදුවන හානි ගැන වීර කැප්පෙටිපොල බලකාය වග කියනු නොලැබේ. කොන්දක් ඇත්නම් නිර්නාමිකත්වයට මුවා වී ගල් පෙරලනවා වෙනුවෙට කරන දේශද්‍රෝහී ක්‍රියාවක් එලිපිට කල යුතු බව අප කියමු. එවිට මේ රටේ තවමත් තම මුල් අමතක නොකල මිනිසුන් කල යුතු දේ කරනවා ඇත.

එසේම සිල්වත් බෞද්ධ ස්වාමීන් වහන්සේලාට අවමාන කරන එවුන්ද පරිස්සම් වෙනු.

බ්ලොග්වලින් ඊනියා විප්ලව කිරීමට තැත් නොකර කතන්දර හා කවි පල කිරීමට පමණක් බ්ලොග් අවකාශය මාධ්‍යයක් සේ භාවිතා කරනු. කොතැනදී කලත් දේශද්‍රෝහීත්වය දේශද්‍රෝහීත්වයමය.

මේ දේශද්‍රෝහී බ්ලොග්කරුවන්ට කරන අවසාන නිවේදනයයි. මින්පසු වෙනත් නිවේදන නැත. හැකර් නාඩගම් වලින් හෝ ඔවුන් තොලොංචි වී නොයන්නේ නම් කල යුතු දේ සිදුවනු ඇත. අපි කිය කියා කරන අය නොවේ.

මෙය දේශද්‍රෝහී බ්ලොග්කරුවන් ගැන කිබුල් කඳුළු හෙලන වෙනත් සියළුම බ්ලොග්කරුවන්ට/කාරියන්ටද අදාලය.

සිංහල බ්ලොග් අවකාශයේ වීර කැප්පෙටිපොල බලකාය

මේ අර අසමජ්ජාතියා දීල තියෙන කෙලතොලු උත්තරේය.

මේ කතාවට නං මූව තියන්ඩ වටින්නේ නැත. මූ ඇවිල්ලා දිගට කියන කොරන ඒවගෙයි, කෙටියෙං කොරන ඒවගෙයි වෙනස නොදන්නා කලවැදදෙකි. මූව දන්නා කෙනෙක් ඉන්නවානං වීර හැක්පෙටිපොල බලුකායේ උත්තරීතර නායක හැක්පෙටිපොල තුමාට දන්නන්ටය. නොදන්නා අයගේ දැනගැනීමට නායකතුමාගේ පොටෝ එක උඩිං දමා ඇත.

දේශප්‍රේමී හීනයක්........

17 වනදා උදෙන්ම ගොස් සංධානයට චන්දය දුන් මට රෑ ඇඳට වී චන්ද ප්‍රථිපල අසා සිටින විට තද නිදිමතක් දැනුනි.

එකසත් ජනතා නිදහස් සංධානය චන්ද තිස් නව දහස්....... එක්සත් ජාතික පක්ශය චන්ද දාහතර දහස්.....

ජනතා විමුක්ති පෙරමුණ චන්ද නමසිය.......

මට නොදැනුවත්වම නින්ද ගියේය. ඇහැරෙන විට හොඳටම දවල් වී තිබුනි. කාමරය වෙනස් වී ඇත. හරියට තරු පහේ හෝටලයක කාමරයක් මෙනි. මම හීනෙන් ඇවිදගෙන ගොස් වෙනත් නිවසකටවත් ඇතුලුවූවාදැයි ඇතිවු සැකය නිසා වහාම පාරට පැන ගතිමි. වලවල් තිබු බොරලු පාර කාපට් කර ඇත.අවට තිබූ කපරාරු නොකල ගෙවල්ද ඇතුලුව සියලුම ගෙවල් මාලිගා බවට පත්ව ඇත.
වෙනදා පරණ සරමක් හැඳ බයිසිකල් කටුවේ යන පී බී මාමා ලුමොසීන් කාරයක විත් මා අසල නැවතුනි.

"ඈ බං පී බී මාමෙ සමුර්දි කාඩ් එකෙන් කොහොමෙයි මෙච්චර හරියක් කර ගත්තෙ"

මම ඇසුවෙමි. පී බී මාමා මගෙ ඇඟට කඩාපැන්නේය.

"කොල්ලො මේ මට අපහාස නොකර හිටපන් මම දැන් කෝටිපතියෙක්"

පී බී පිඹගෙන ගියේය. වෙනදා කසිප්පු පැකට්ටුවක් සඟවාගෙන සිටින ඔහු ලඟ බකාඩි බෝතලයක්ද තිබෙනු මම දුටුවෙමි. පාරෙ බයිසිකල් මොටර් බයිසිකල් ත්‍රීවීලර මගී බස් රථ නැත. සියල්ලම සුඛෝපභොගි වාහනය. වෙලඳසල්ද මාලිගා වැනිය. ජනතාව වාහන වලින් පැමිණ බඩු මිලදී ගනිති කා බී ප්‍රීතිවෙති. හරියට ඛේතුමතී පුරය පහල වූවා මෙන්ය. අන්ද මන්දව කැරකෙමින් සිටි මම එළවලු වෙලඳසලක් තුලට ගියෙමි නොව යැවුනෙමි.

මට තරු පෙනුනේ එහි එල්ලා තිබූ කැලන්ඩරය දුටු විටය "වසර 2016"

මීලඟ මහ චන්දෙ තියෙන අවුරුද්දට හදිසියේ විවර වූ කාල දොරටුවක් හරහා එන්නට ඇතැයි සිතුවෙමි. මම කොහොමත් විද්‍යා ප්‍රබන්ධ කියවනවා වැඩිය. වෙලඳසලෙහි වූ අමු මිරිස් ගොඩ අසලට ගියෙමි.

"කීයද මුදලාලි කිලෝ එක".

 "රුපියල් දෙකයි මහත්තයා"

 උඩගොස් වට දෙකක් කරකැවී බිම වැටුනෙමි.

"මොනව කොහොමද එච්චර ගනන් අඩු වුනේ?"

 මුදලාලි පුදුමයෙන් මා දෙස බැලීය.

"මහත්තයා පහුගිය දවස්වල ලංකාවෙ නෙවෙයිද හිටියෙ?"

"ආ නෑ මුදලාලි මම අවුරුදු කීපයක් ඇමරිකාවෙ හිටියෙ" හිතට ආ බොරුව කියා දැමුවෙමි.

"අයියෝ මහත්තයා මොකට ඔය වගේ දුප්පත් රටවල් වලට යනවැයි? දැන් ඇමරිකාවත් ණය ගන්නෙ අපේ රටෙන්නෙ."

මම නැවතත් උඩගොස් කරකැවෙන සිද්දියට මූන දුන්නෙමි. "එතකොට අපි එයාලට තිබ්බ ණය?"

 "ඒවා ගෙවලා කොයිකාලෙද මහත්තය. දැන් චීන්නුත් අපෙන්නෙ ණය ගන්නෙ. කොටින්ම දැන් ලෝක බැංකු මූලස්ථානෙ දාල තියෙන්නෙත් ලංකාවෙනෙ. පහුගිය අවුරුදුවල අපේ ජනතාව බුද්ධිමත්ව චන්දෙ පාවිච්චිකරපු නිසා තමයි මේ සේරම."

මට මම ගැන මහා ආඩම්බරයක් දැනුනි. වෙලඳසල වායුසමනය කර තිබුනද මට මහා රස්නයක් දැනෙන්නට විය. ඇත්තටම අවදි වූයේ දැන්ය. මෙච්චර වෙලා දැක ඇත්තේ හීනයකි. යාන්තම් නැගිට ගත්ගමන් මා හට මාකැට්ටුවට යාමට සිදුවූයේ ගෙදර එළවලු අහවරව ඇති නිසාය. තාමත් නින්දත් නොනින්දත් අතර පසු වූ මම මුදලාලිට රුපියල් දෙකක් දිගු කළෙමි

"මිරිස් කිලෝ එකක් දෙන්න"

"......................... ..........................."

වසර 2016 තාම උදාවී නොමැති බව මුදලාලි මහත්මා මා හට කරුණා පෙරදැරිව පහදා දුන්නේය.

- අංකුට්ටා

අපරැක්කේ හම්බ කතා.......

අපරැක්කේ අපදානය හෙවත් හෙලු උරිම කතා වස්තුව ට පැමිණි කමෙන්ටුවකට පිළිතුරකි.

මුසල්මානුවො?
උං බ්ලොග් හදාගෙන කතා ලිය ලියා ඉන්නවා කියලද උඔ හිතන්නෙ? උං කරන වැඩ ඊට වඩා සීරියස්. අර අටුවාවෙ පිස්සො ටික තමා ඔය වගේ මනස්ගාත උඔලට පොවන්නෙ. උඔලටත් ඕවා ඇත්ත.

පොඩ්ඩක් බලපං බුද්දාගම ඇත්තටම විනාස කොරන්නේ මොක්කුද කියලා. අලුතෙන් සාසනයට එන සාමනේර හාමුදුරුවරු මහ එකා දූෂණය කරනවා.  උඹ හිතන්නෙ ඊට පස්සෙ ඔය පොඩි එවුං  ධර්ම ඥානය ගවේෂණය කරයි කියලද? බාගෙට බාගයක් තනියම දනි පනි ගාගන්න පුළුවන් උනාම මහ එකාගෙන් ගැලවෙන්න සිවුර ඇරලා යනවා. රහ වැටෙන උං උගුරු ගැටේ කැඩුනාම අලුතෙන් එන පොඩි එවුං අල්ලා ගන්නවා. ඉතිං මේ මහණ වෙලා ඉන්නෙ තම්බිද? නෑනෙ බං.

උඔලා ඔක්කොම තම්බි දිහා බලං ඉද්දි අපේ දරු පැටියන්ට අරින්නෙ අපේම උං. වැඩේ වැරදි බව පිළිගන්නවනේ? මෙතන තියෙන ලොකුම තක්කඩිකම ඕක නෙමෙයිනේ බං. බාලක ලෝලය එක්තරා මනෝ ලිංගික තත්වයක්. ඕක හැදෙන්නෙ මිනිස්සුන්ටනේ. අපේ අපරැක්කෙත් මනුස්සයෙක් බව කියන්න ඕනෙ නෑනෙ? ඉතිං පොර තමං කවුද කියන එකවත් අමතක කරලා කලන්තෙ ඉහට ගහලා ඕක කලා කියපංකෝ. ඉතිං බුද්දාගම බේරගන්ඩ පොළොවෙ පස්කන බුද්දාගං කාරයෝ මොකද මීක් නැත්තෙ? සමහරු හිතනවා ඇති ඕවා එළි උනාම සාසනේට හානි වෙනවා කියලා. බම්බුව තමා. දැන් එළිවෙලා ඉවරනේ. දැං ඉතිං සාසනේ රැකගන්ඩ කියලා අඩු වයසෙං මහන කොරලා  ඉන්න ඉතිරි නොදරුවෝ ටිකවත් රැකගන්ඩ මුං මොනවද කරලා තියෙන්නෙ? අඩු ගානේ වචනයකින්වත්?

මුංට ඕනෙ සිංහලයක් වත්, බුද්දාගමක් වත් නෑ බං. එහෙම ඕනෙ කමක් තියෙනවනං කරන්ඩ ඔයිට වඩා වැඩ තියෙනවා. මෙහේ අපරැක්කේලා උඔලටත් අරිනකං උඔලට තම්බි මැජික් පෙන්න පෙන්න උං උංගේ වැඩටික කරගන්නවා.

මං කියන්නෙ බොරුවක්ද කියලා උඹම බලාගනිං. සිංහලේ රැකගන්ඩ පස්කන අටුවාවෙ පිස්සන්ට කියපං පුළුවන්නං මේ හොර ගණයො ගැන එළීකරන්ඩ කියලා. උං කරන්නෙ නැ. දවස ගානේ ලංකාවේ පන්සල් දාස් ගානක ඔය වගේ පොඩිඑවුං දාස් ගානක් සාපරාධී ලිංගික අපහරණයට ලක් වෙනවා.  මුස්ලිම් ‍දැරිවියංගේ චර්ම ඡේදනය ගැන හොටු පෙරන පෙරමුණේ රාලයේ පිස්සො ටිකට ඕවා පේන්නෙ නැත්තෙ ඇයි? උංට ඕවා වැඩක් නෑ බං. උන්ට ඕනෙ මහින්දට තව අවුරුදු දහ පාලොවකට රන් කරන්ඩ තවත් හතුරෙක් මවලා දෙන එක.

මම තම්බියෙක් නෙමේ. අපරැක්කේ අපදානය ලියපු අංකුට්ටත් තම්බියෙක් නෙමේ. අපරැක්කෙත් තම්බියෙක් නෙමේ. නමුත් උඹට අපරැක්කේ ගැන විවේචනාත්මකව කතා කරපු අපි තම්බි වෙලා අපරැක්කේ තම්බියෙක් නොවෙන්නෙ ඇයි කියන එක උඔම හිතන්න ඕනෙ දෙයක්.

මේවා ලියන්නෙ තම්බි කියලා හිතන උඹ අපරැක්කේ දූෂකයෙක් කියලා පිළිගන්නවද? සාසනේ විනාස කරන ඒ වගේ දූෂකයො ජාතියේ මුර දේවතාවො කියලා උඩ දාන්නෙ තම්බිද? නැත්තං අටුවාවෙ පිස්සො ටිකද?

(කමෙන්ට් වලට පෝස්ට් වලින් උන්නර දෙන්ඩ අපේ අදහසක් නෑ. ඒත්  ඔය ජාතික ලයින් එකේ පිස්සු බල්ලො දාන කමෙන්ට් වලට වඩා උඹේ කමෙන්ට් එකේ පොඩි අව්‍යාජ ගතියක් තිබුන නිසා මේක ලිව්වෙ. උඹටත් මොකුත් කියන්ඩ තියෙනවනං අපේ මේල් එකට එවපං. අපි දාන්නං)